Ўзбекистонда 3 август кунги тест синовларида 17 та олий таълим муассасасининг 89 та таълим йўналишида 58 минг 533 нафар абитуриент иштирок этди. Бу ҳақда бош вазир ўринбосари Азиз Абдуҳакимов маълум қилди.
Турли сабабларга кўра 1166 нафар абитуриент имтиҳонларга келмади.
Тест синовлари тартиб-қоидаларини бузганлиги сабабли 272 нафар абитуриент, шундан 109 нафари ҳудудга кириш жойида уяли телефон, шпаргалкалар олиб кириш ва ўзгани ўрнига кириш, 163 нафари бино ичида шпаргалкадан фойдаланиш ва бошқа абитуриентларга ёрдам беришга уринганлиги учун тест синовларидан четлаштирилди.
Тест натижаларини Қорақалпоғистон Республикаси, вилоятлар ва Тошкент шаҳридан Давлат тест марказига соат 18:30 дан қайтариш бошланди. Сўнгги материаллар Қорақалпоғистон Республикаси ва Хоразм вилоятидан кечаси 1:00 да етиб келади.
3 август кунги тест натижалари 4 август куннинг иккинчи ярмида Давлат тест маркази сайтида эълон қилинади.
Изоҳ (0)