Ўзбекистон Республикаси Ички ишлар вазирининг маслаҳатчиси генерал-полковник Зокир Алматов бошлигидаги ишчи гуруҳ Хоразм вилоятига ташриф буюрди. Бу ҳақда вилоят ИИБ «Дарё»га маълум қилди.
Ишчи гуруҳ аъзолари дастлаб Урганч шаҳридаги 4-сонли ички ишлар бўлими фаолияти билан танишди. Эслатиб ўтамиз, ушбу ички ишлар бўлими республикада илк маротаба ҳуқуқий экспримент тариқасида секторлар кесимида ташкил этилган ички иишлар бўлимларидан биридир. Бўлим фаолияти ва у ерда яратилган шарт-шароитлар ишчи гуруҳ аъзоларида катта таассурот қолдирди.
Шундан кейин Хоразм вилояти мусиқали драма театрида йиғилиш ва ижодий учрашув бўлиб ўтди.
Йиғилишда вилоят ҳокими, ҳуқуқ-тартибот органлари масъул ходимлари, жамоатчилик ташкилотлари вакиллари ва бир гуруҳ ички ишлар ходимлари иштирок этди.
Йиғилишда сўзга чиққан вазир маслаҳатчиси генерал-полковник Зокир Алматов бугунги кунда амалга оширилаётган ислоҳотлар мазмун-моҳиятига тўхталар экан, жиноятчилик ва ҳуқуқбузарликка қарши курашда ҳуқуқ-тартибот органлари, жамоатчилик ташкилотлари ва кенг жамоатчилик ҳамкор, ҳамфикр бўлиши кераклигини алоҳида таъкидлаб ўтиб, ҳамкор ташкилотларга миннатдорчилик билдирди. Жиноятчиликка қарши курашда фаоллик кўрсатган бир гуруҳ профилактика инспекторлари, маҳалла фуқаролар йиғинлари раислари ва маҳалла посбонларига қимматбаҳо совғалар топширилди.
Хива шаҳридаги 20-сон Меҳрибонлик уйининг бир гуруҳ тарбияланувчиларига биометрик паспортларнинг тантанали топширилиши ушбу тадбирдаги унутилмас онлардан бири бўлди десак муболаға бўлмайди.
Ишчи гуруҳ таркибида Хоразм вилоятига ташриф буюрган кино ва театр актёри, Ўзбекистон ва Қорақалпоғистон халқ артисти Ёдгор Саъдиев томонидан Ватанни ва мардликни улуғловчи куй ва қўшиқлар, монологлар тадбирда иштирок этганларга кўтаринки кайфият бахш этди.
Шундан кейин ишчи гуруҳ аъзолари Урганч шаҳрининг Камолот маҳалласида 4 нафар профилактика инспекторлари учун барпо этилган хизмат уйларига қилинган ташриф профилактика инспекторларининг оила аъзолари билан самимий ва дўстона суҳбатга уланиб кетди.
Ички ишлар Вазирининг маслаҳатчиси бошлигидаги ишчи гуруҳи вилоят ИИБ тезкор вазифаларни бажарувчи сафарбар отряди шахсий таркиби билан учрашиб, уларнинг жанговор шайлиги ва яратилган шарт-шаротлар билан яқиндан танишди.
Хоразм вилояти ИИБда ташкил этилган «Меҳнат ва жангавор шуҳрат музейи»га ташриф буюрган ишчи гуруҳ аъзолари у ерда нафақат вилоят ички ишлар органлари тарихига балки республика миқиёсида аҳамиятга молик экспонатлар тўпланганлигини алоҳида эътироф этишди. Ишчи гуруҳ аъзолари музейда юритилаётган «Фахрий меҳмонлар китоби»га ўз дил изҳорларини қайд этди.
Генерал-полковник Зокир Алматов ва Хоразм вилояти ҳокими вазифасини бажарувчи Фарҳод Эрмановлар бу йил Хоразм вилоятидан Ҳаж амалларини адо этиш ниятида йўлга чиққан бир гуруҳ фуқаролар билан учрашиб уларга оқ йўл тилади.
Изоҳ (0)