Ўзбекистон аҳолиси яна IPO ва SPO’да компаниялар акцияларини сотиб олиш ҳуқуқини қўлга киритади, деб ёзади Spot Президентнинг «Ўзбекистон Республикасида инвестиция муҳитини тубдан яхшилаш чора-тадбирлари тўғрисида»ги фармонига таяниб.
Ҳужжат орқали «Йўл харитаси» тасдиқланмоқда, унинг бандларидан бири хусусийлаштириш ва акциядорлик жамиятларига хусусий капитални жалб қилишни кўзда тутади.
Хусусан, 2018—2019 йилларда бир нечта очиқ бирламчи (IPO) ва иккиламчи (SPО) акциялар жойлаштируви ўтказилади. Биринчи навбатда қурилиш ва молия соҳасидаги йирик давлат компаниялари акциялари сотилади.
Ҳужжат билан аниқ рақам белгиланган — шу икки йил ичида камида 5 та объект.
Бундан ташқари, савдо ташкилотчилари давлатга тегишли объектлар нархини сотувчи билан келишмаган ҳолда пасайтириш механизмини мустақил қўллаш имконини берувчи тартиб ўрнатилади.
20 сентябргача Вазирлар Маҳкамаси қарори лойиҳаси ишлаб чиқилади, унда буларнинг барчаси тасдиқланади ва тафсилотлар келтирилади.
Изоҳ (0)