1 август куни бўлиб ўтган тест имтиҳонлари доирасида Бухоро давлат тиббиёт институтига кириш учун имтиҳон топширган абитуриент 90 та тест саволининг барига тўғри жавоб берди. Бу ҳақда «Xushnudbek.uz» Telegram-каналида хабар берилди.
Абитуриент биология фани (биринчи блок)дан 30 та, кимё фани (иккинчи блок)дан 30 та ҳамда она тили ва адабиёт фанлари (учинчи блок)дан 30 та саволнинг барчасига тўғри жавоб бериб, ижодий имтиҳон ва ҳарбий имтиёзсиз қайд этиш мумкин бўлган максимал баҳо — 189 баллни қўлга киритган.
«Вундеркинд абитуриент» таърифланган ушбу фуқаро Бухоро давлат тиббиёт институтининг даволаш иши таълим йўналишига давлат гранти асосида ўқишга кирди.
Мавзуга доир: 1 августдаги тест имтиҳонлари натижалари эълон қилинди
Изоҳ (0)