Данғарада хорижий сайёҳларни ўлдирган жиноий гуруҳ аъзолари ва буюртмачи Тожикистон ислом уйғониш партиясига мансуб бўлган ва Эронда таълим олган. Бу ҳақда Тожикистон ИИВ маълум қилди, дея хабар беради «Asia-Plus».
«Жиноий гуруҳнинг қўлга олинган етакчиси Ҳусайн Абдусамадов 2014—2015 йилларда Эронда мафкуравий ва ҳарбий-диверсион таълим олганини тасдиқлади. У ерда ‘Қори Носир’ лақабли Носирхўжа Убайдов билан танишган ва ИUP сафига кирган», — дейилади вазирлик хабарида.
Маҳкамага кўра, мазкур жиноят буюртмачиси ҳам 1992 йилдан бери Тожикистон ислом уйғониш партияси аъзоси бўлган ва 2015 йилда қидирувга берилган Носирхўжа Убайдовдир.
Вазирлик мазкур жиноятни амалга оширган 4 киши ўлдирилгани ва яна 4 киши қўлга олинганини билдирди.
Эслатиб ўтамиз, олдинроқ ИШИД Тожикистонда хорижлик сайёҳлар ўлдирилиши учун жавобгарликни зиммасига олганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)