Европа суди тўртта ингичка таёқчалардан иборат Kitkat шоколадларининг шаклини Европа Иттифоқининг савдо белгиси сифатида тан олмади. Қарор Швейцариянинг озиқ-овқат ва ичимликлар ишлаб чиқарувчи Nestle компанияси томонидан берилган даъвони кўриб чиқиш натижасида қабул қилинган. Бу ҳақда «РИА Новости» хабар берди.
Хабар берилишича, Nestle аввалроқ Европа Иттифоқи умумий юрисдиксияси судининг 2016 йилдаги қарори устида аппеляция берган. Ўша қарорга кўра, тўртта ингичка қисмдан иборат шоколад шакли Европа Иттифоқининг товар белгиси сифатида рўйхатдан ўтказила олмас эди, чунки у иттифоқнинг етарли миқдордаги аъзо давлатларида оммалашмаган эди.
Суд тўртта қисмдан иборат шоколад иттифоқнинг ўнта мамлакати: Дания, Германия, Испания, Франция, Италия, Нидерландия, Австрия, Финляндия, Швеция ва Буюк Британиядаги истеъмолчилар орасидан танилганлигини тан олган. Бироқ у Бельгия, Греция, Ирландия ва Португалияда етарлича танилмаган.
Изоҳ (0)