«Ўзбекистон ҳаво йўллари» миллий авиакомпаниясининг Ўқув-машқ маркази учувчиларни дастлабки тайёрлаш ўқув курсларига танлов ўтказилиши муносабати билан жорий йилнинг 6—7 август кунлари «Очиқ эшиклар куни» бўлиб ўтишини эълон қилади.
Агар сиз ҳали 27 ёшга тўлмаган бўлсангиз, тугалланган олий техник маълумот ва IELTS сертификати билан тасдиқланган инглиз тилининг 6-даражасига эга бўлсангиз, унда фуқаро авиацияси учувчилари учун дастлабки тайёргарлик курсларида таълим олиш имкониятига эгасиз.
Ўқиш давомийлиги, ҳужжатларни қабул қилиш ва имтиҳон топшириш муддати, номзодлар учун тиббий ва бошқа талаблар ҳақида тўлиқ маълумот олиш учун Тошкент шаҳар, Қумариқ кўчаси 120-уйда жойлашган МАК Ўқув–машқ марказига келиш мумкин.
«Сизни ‘Ўзбекистон ҳаво йўллари’ миллий авиакомпаниясининг Ўқув-машқ марказида 6—7 август кунлари соат 14:00да кутамиз. Марказ ҳудудига кириш учун ўзингиз билан шахсингизни тасдиқловчи ҳужжат бўлиши шарт», дейилади хабарда.
Изоҳ (0)