24 июль куни соат 14:01 да Жиззах шаҳар Оққўрғонлик маҳалласи Ф. Юсупов кўчаси 68-уйда ёнғин содир бўлди. Бу ҳақда Жиззах вилояти ИИБ матбуот хизмати хабар бермоқда.
Ёнғин натижасида ошхона, хонадоннинг 65 квадрат метр шифт, том қисми ва уй жиҳозлари ёнган. Ёнғин ошхонада қозонда ёғни назоратсиз қолдирилиши натижасида келиб чиққан.
Хонада кўп миқдорда ёнувчи маҳсулотлар бўлганлиги сабабли ёнғин қисқа муддатда тарқалиб, қўшни хонадоннинг 7 квадрат метр майдонда том қисми ҳам ёнган. Ёнғин соат 14:44 да батамом ўчирилган.
Ёнғинга Жиззах шаҳар ёнғин хавфсизлиги бўлимининг 4 та бўлинмаси жалб этилган.
Изоҳ (0)