Урганч халқаро аэропортининг техник сабаблар ва ҳарорат режими бўйича 16 июлдан вақтинча ёпилиши ҳақида хабар берилган эди.
Хоразм вилояти ҳокими вазифасини бажарувчи Фарҳод Эрмановнинг Facebook’даги саҳифасида маълум қилинишича, ҳозирда Урганч халқаро аэропортида сунъий учиш-қўниш йўлагининг асфальт қопламасини алмаштриш бўйича таъмирлаш ишлари давом этмоқда.
Бугун Фарҳод Эрманов олиб борилаётган ишлар билан танишиш мақсадида мутасаддилар билан жойига бориб учрашди. Бу ерда таъмирлаш ишлари «Хоразмйўлқурилиш» унитар корхонаси томонидан 24 соат давомида 50 дан ортиқ махсус техниклар ёрдамида олиб борилмоқда. Урганч халқаро аэропортининг 10 август куни ишга туширилиши режалаштирилмоқда.
«Хоразм вилояти ҳокимлиги ва Урганч халқаро аэропорти маъмурияти вақтинчалик ноқулайлик учун йўловчилардан узр сўрайди», — дейилади хабарда.
Изоҳ (0)