Инвестициялар қўмитаси, Жиззах вилояти ҳокимлиги, Ташқи ишлар вазирлиги ҳамда Савдо-саноат палатаси 29—30 август кунлари куни Жиззах халқаро инвестицион форумини ўтказади. Бу ҳақда Sputnik хабар берди.
Инвестицион форум илк бор «Жиззах» эркин иқтисодий зонаси ҳудудида бўлиб ўтади. Икки кунлик форум доирасида қуйидаги тадбирлар режалаштирилган:
Бизнес форум;
Жиззах вилоятида ишлаб чиқарилган маҳсулотлар кўргазмаси;
В2В кўринишидаги кооперацион биржа;
Вилоят саноат корхоналарига экскурсия;
Вилоят раҳбарияти томонидан расмий қабул ва концерт дастури;
Жиззах вилоятининг туристик салоҳияти билан танишиш.
Ушбу форумни ўтказишдан мақсад халқаро ишбилармонлик доиралари вакилларини Жиззах вилоятининг иқтисодий-ижтимоий ривожланиш даражаси билан таништириш, тадбиркорлик субъэктлари ва инвесторлар учун қулай шароитлар яратишдан иборат.
Жиззах инвестицион форумига Ўзбекистоннинг таалуқли вазирлик ва муассасалари вакиллари, хорижий сармоядорлар, дипломатик корпус, халқаро молия ташкилотлар, хорижий ва маҳаллий ОАВ вакиллари таклиф қилинган.
Изоҳ (0)