Hubble телескопи ташқи кўриниши Сомон йўлини эслатувчи NGC 6744 спирал галактикасини суратга олди. Эгизак галактиканинг ўлчамлари Сомон йўли галактикасиникидан икки марта катта. Бу ҳақда «Корреспондент.net» хабар берди.
NGC 6744 галактикасининг диаметри 200 минг ёруғлик йилини ташкил қилади, Сомон йўлида эса бу 100 минг ёруғлик йилига тенг.
Олимларнинг сўзларига кўра, галактика Сомон йўлига бир нечта параметрлар бўйича ўхшаш. Хусусан, иккала галактиканинг маркази ўхшаш бўлиб, эски сариқ юлдузлар билан тўлган.
Шунингдек, NGC 6744 пушти ва кўк рангдаги спиралга эга. Кўк қисмларда кўплаб ёш юлдузлар жойлашган. Пуштиранг қисмда эса фаол шаклланиош жараёни бормоқда.
Изоҳ (0)