27 июль куни Ер Қуёш ва Ой оралиғидан ўтади ва Ойга соя ташлаб, уни қизил рангга бўяйди. Буни анча узоқ вақт давомида кузатиш мумкин, чунки тўлиқ Ой тутилиши сўнгги 100 йил ичидаги энг узоғи бўлади. Бу ҳақда «KP.ru» хабар бермоқда.
«Осмон шоуси» рекорд даража — 3 соат-у 56 дақиқага чўзилади (Тошкент вақти билан 23:24 дан 03:20 гача). Тўлиқ фаза 1 соат-у 44 дақиқа давом этади (Тошкент вақти билан 28 июль 00:30 дан 02:14 гача).
Бу йил тўлиқ Ой тутилишини Шарқий Африка, Яқин Шарқ ва Марказий Осиё аҳолиси кўриши мумкин бўлади. Европа, Шарқий Осиё ва Индонезияда эса қисман Ой тутилиши кўринади.
Изоҳ (0)