Yaman Oliy siyosiy kengashi raisi Mahdi Al-Mashat Rossiya prezidenti Vladimir Putinga xat yo‘lladi. Xatda Yamandagi siyosiy ziddiyatni yechishda Putindan yordam so‘ralgan, deb xabar beradi “RBK”.
“Xatda ikki mamlakat manfaatlariga taalluqli bir necha jihatlar, xususan, Yamanga qarshi agressiya va Saudiya Arabistoni bilan ittifoqdosh mamlakatlarning Yaman g‘arbiy sohillarida harbiy nizo keltirib chiqarayotganiga alohida urg‘u berilgan”, — deyiladi xabarda.
Al-Mashatning maktubida qayd etilishicha, Xodeyda shahri va portini qo‘lga olishga qaratilgan harbiy harakatlar shunchaki Yamanga qarshi fitnaning bir qismi hisoblanadi. Bu fitna, al-Mashatning fikricha, orol, port va dunyodagi muhim hisoblangan navigatsion bo‘g‘ozlar ustidan nazoratni kuchaytirishga qaratilgan.
Mahdi Al-Mashat Yaman hukumati mamlakatda tinchlikni ta’minlashga qaratilgan har qanday xatti-harakatlarni qo‘llab-quvvatlashga tayyor ekanligini ham qayd etgan.
Izoh (0)