Россиянинг Урал минтақасида жойлашган Частоозерье қишлоғида «Ватанга хизмат қилиш» композицияси ўртасида туриши керак бўлган Владимир Путиннинг бронза ҳайкали маҳаллий гўшт комбинатининг гаражидан топилди. Бу ҳақда журналист Андрей Виползов Facebook’даги саҳифасида маълум қилди.
«Маълумки, ҳайкални мафкуравий нуқтаи назардан Частоозерский майдонига ўрнатиб ўтришмади, ҳозирда эса у гўшт комбинати гаражида занжирга боғланган ҳолда сақланмоқда… Бетон полда икки метрли Путин турибди, унинг ёнида эса машиналар таъмирланмоқда», — деб ёзди у. Журналист илова қилган суратда Путинга ҳайкал қўйиш ғояси муаллифи, Давлат думаси депутати Александр Ильтяков ҳам акс этган.
2018 йил майида очилган «Ватанга хизмат қилиш» композицияси трибуна ва Россиянинг бронза харитасидан иборат. Дастлаб трибуна ортида Путиннинг ҳайкали туриши керак эди, аммо бу ғоядан воз кечишга қарор қилишди. Депутат Ильтяков ўшанда президент — камтар инсон эканлиги, «тилла бут»нинг ўрнатилиши эса бундай ҳайкаллар урфга киришига олиб келиши мумкинлигини айтган эди.
Изоҳ (0)