Самарқанд вилоятининг Оқдарё туманида 20 июнь куни «Примкент» маҳалласида яшовчи, Агросаноат коллежи 2-босқич ўқувчиси Д.Ш. шу маҳалла ҳудудида ўзаро жанжал оқибатида қўшниси Қ.С.нинг бошига тош билан уриб жароҳат етказган. Бу ҳақда ИИВ жамоатчилик ва ОАВлар билан алоқалар бошқармаси хабар берди.
Тош билан жароҳат етказиш ҳолати Фарғонада ҳам қайд этилди. 15 июль куни Бешариқ туманидаги «Қорақуйли» МФЙда яшовчи Н.О. «Шайтонқул» МФЙда яшовчи қайнотаси Т.Б.нинг уйида ўзаро жанжал оқибатида унинг бошига тош билан уриб жароҳат етказган.
Иккала ҳолатда ҳам жабрланувчилар касалхонага ётқизилиб, тош билан урган зўравонлар ушланган.
Изоҳ (0)