Samarqandda kollej o‘quvchisi qo‘shnisining, Farg‘onada kuyov qaynotasining boshiga tosh bilan urdi

Samarqand viloyatining Oqdaryo tumanida 20-iyun kuni “Primkent” mahallasida yashovchi, Agrosanoat kolleji 2-bosqich o‘quvchisi D.Sh. shu mahalla hududida o‘zaro janjal oqibatida qo‘shnisi Q.S.ning boshiga tosh bilan urib jarohat yetkazgan. Bu haqda IIV jamoatchilik va OAVlar bilan aloqalar boshqarmasi xabar berdi.

Tosh bilan jarohat yetkazish holati Farg‘onada ham qayd etildi. 15-iyul kuni Beshariq tumanidagi “Qoraquyli” MFYda yashovchi N.O. “Shaytonqul” MFYda yashovchi qaynotasi T.B.ning uyida o‘zaro janjal oqibatida uning boshiga tosh bilan urib jarohat yetkazgan.

Ikkala holatda ham jabrlanuvchilar kasalxonaga yotqizilib, tosh bilan urgan zo‘ravonlar ushlangan.