Вилоят ҳокимининг инвестициялар ва инновациялар бўйича ўринбосари Ўктам Исломов бошчилигидаги Навоий вилояти делегацияси Венгрияда хизмат сафарида бўлди. Бу ҳақда «Дунё» ахборот агентлиги хабар бермоқда.
Ўзбекистоннинг Австриядаги элчихонаси кўмагида Будапештда бизнес-форум ва қатор икки томонлама учрашувлар ташкилланди. Венгриядаги индустриал парк ва 7 та корхона фаолияти билан танишилди.
Жумладан, Wizz Air авиакомпанияси президенти Ж. Варади билан учрашув давомида «Навоий» халқаро аэропортининг салоҳияти ва республиканинг туристик имкониятлари тақдимоти ўтказилди. Томонлар Будапешт—Навоий—Будапешт авиайўналишини йўлга қўйишнинг иқтисодий самарадорлигини муҳокама қилди.
Сафар якуни бўйича Венгрия томонининг 1,5 миллион евролик инвестицияси иштирокида иккита лойиҳани амалга ошириш бўйича келишувга эришилди. Шунингдек, меваларни бир лаҳзада музлатишга ихтисослашган корхона ташкил этиш масаласи кўриб чиқиладиган бўлди.
Изоҳ (0)