Viloyat hokimining investitsiyalar va innovatsiyalar bo‘yicha o‘rinbosari O‘ktam Islomov boshchiligidagi Navoiy viloyati delegatsiyasi Vengriyada xizmat safarida bo‘ldi. Bu haqda “Dunyo” axborot agentligi xabar bermoqda.
O‘zbekistonning Avstriyadagi elchixonasi ko‘magida Budapeshtda biznes-forum va qator ikki tomonlama uchrashuvlar tashkillandi. Vengriyadagi industrial park va 7 ta korxona faoliyati bilan tanishildi.
Jumladan, Wizz Air aviakompaniyasi prezidenti J. Varadi bilan uchrashuv davomida “Navoiy” xalqaro aeroportining salohiyati va respublikaning turistik imkoniyatlari taqdimoti o‘tkazildi. Tomonlar Budapesht—Navoiy—Budapesht aviayo‘nalishini yo‘lga qo‘yishning iqtisodiy samaradorligini muhokama qildi.
Safar yakuni bo‘yicha Vengriya tomonining 1,5 million yevrolik investitsiyasi ishtirokida ikkita loyihani amalga oshirish bo‘yicha kelishuvga erishildi. Shuningdek, mevalarni bir lahzada muzlatishga ixtisoslashgan korxona tashkil etish masalasi ko‘rib chiqiladigan bo‘ldi.
Izoh (0)