Жиззах вилояти Пахтакор туман суди 5 июль куни туман ҳудудида қўшмачалик билан шуғулланган хорижий мамлакат фуқаросига нисбатан очилган жиноят ишини кўриб чиқди. Бу ҳақда Жиноят ишлари бўйича Пахтакор туман суди матбуот хизмати хабар бермоқда.
Судланувчи Г.Т. 1988 йил 15 июлда Тожикистонда туғилган, миллати ўзбек, Тожикистон Республикаси фуқароси, маълумоти ўрта, муқаддам судланмаган, вақтинча ишламайди, оиласи билан ажрашган, уч нафар фарзанди бор, Тожикистон Республикаси Суғд вилояти Спитамен тумани Октябрь кўчаси 42-уйда доимий рўйхатда туради.
У суд мажлисида айбига иқрорлик билдириб, 2017 йил сентябрь ойидан буён укаси И.Т.нинг уйида фарзандлари билан бирга яшаб келишини, Қ.Т. ва Ў.Ж.ларни муқаддам қўшни бўлиб яшаганлиги сабабли танишини, 2018 йил 6 май куни Қ.Т. унга қўнғироқ қилиб, жинсий алоқа қилиш учун қиз ва жой топиб беришни илтимос қилганлигини, шунда у унга қиз йўқлигини айтганлигини, шу вақтда унинг телефони иккинчи тармоғида Ў.Ж. телефон қилиб қолганлигини ва шунда Ў.Ж. унга пули йўқлигини айтганида у унга бир йигит жинсий алоқа қилиш учун қиз ва жой қидираётганлигини айтганида у ўзи мижоз бўлишини айтганлигини, шундан сўнг у Қ.Т.га бир қиз борлигини, у билан жинсий алоқа қилиш учун ўзининг уйидан жой қилиб беришини айтганлигини, шу куни кечки пайт Ў.Ж. уйига келгач, Қ.Т.га қўнғироқ қилиб, қиз келганлигини айтгач, у ҳам соат 21:00 ларда уйига келганлигини ва улар ўзаро суҳбатлашиб, ўзи яшаб келаётган уйнинг меҳмонхонасидан жой қилиб бериб, Қ.Т.дан 40 000 сўм пулни олиб уларни меҳмонхонага киритиб юборганлигини айтган.
Орадан беш-ўн дақиқа ўтиб уйига ИИБ ходимлари келиб Қ.Т. ва Ў.Ж.ларга жинсий алоқа қилиш учун 40 000 сўм пул маблағи эвазига шароит яратиб берганлигини аниқлаб, холислар иштирокида 40 000 сўм пулни ашёвий далил тариқасида олиб, шу ерда барчасидан тушунтириш хати ёздириб олганлигини, у бунақа ишлар билан муқаддам умуман шуғулланмаганлигини, ҳозирда қилган ишидан чин кўнгилдан пушаймон эканлигини баён қилиб, суддан енгиллик беришни сўради.
Г.Т. Ўзбекистон Республикаси ЖКнинг 131-моддаси 1-қисми билан айбдор деб топилган ва шу модда билан унга нисбатан ЖКнинг 57-моддаси қўлланиб энг кам ойлик иш ҳақининг 12 баравари миқдорида, яъни 2 066 880 сўм жарима жазоси тайинланган.
Г.Т. Ўзбекистон Республикасидан депортация қилиниб, чиқариб юборилган.
Изоҳ (0)