Афғонистонда мухолифат сиёсатчилари мамлакат президенти Ашраф Ғанини авторитаризмда айблаб, уни кескин танқид остига олди. Бунга мамлакатнинг биринчи вице-президенти Абдурашид Дўстумга яқин бўлган Низомиддин Қайсарийнинг ҳибсга олингани сабаб бўлган. Бу ҳақда EADaily хабар берди.
Сиёсатчи Ота Муҳаммад Нурнинг таъкидлашича, Низомиддин Қайсарийнинг ҳеч қандай айби йўқ, президентнинг унга нисбатан ёндашуви эса диктаторлик, тажовузкорлик, этикага зид ва қатағонлик характерига эга.
Ота Муҳаммад Нур ва Ҳожи Муҳаммад Моҳақиқнинг ишонч билан қайд этишича, Қайсарийнинг ҳибсга олиниши Дўстумнинг мамлакатдан ҳайдалиши, энергетика ва сув таъминоти ишлари бўйича вазирнинг истеъфоси, шунингдек, собиқ алоқа ва ахборот технологиялари вазирига нисбатан суд иши билан бир қаторда Миллий бирлик ҳукумати ҳақидаги келишувнинг бузилиши ҳисобланади, чунки президент ўз лавозим ваколатидан чиқиб кетмоқда.
Мухолифатчи сиёсатчилар хулоса сифатида мамлакат раҳбарини биринчи вице-президентнинг ватанга қайтишини таъминлашга чақирган. Уларнинг фикрига кўра, Дўстумнинг йўқлиги мамлакатдаги инқирозни фақат ёмонлаштиради.
Изоҳ (0)