Afg‘onistonda muxolifat siyosatchilari mamlakat prezidenti Ashraf G‘anini avtoritarizmda ayblab, uni keskin tanqid ostiga oldi. Bunga mamlakatning birinchi vitse-prezidenti Abdurashid Do‘stumga yaqin bo‘lgan Nizomiddin Qaysariyning hibsga olingani sabab bo‘lgan. Bu haqda EADaily xabar berdi.
Siyosatchi Ota Muhammad Nurning ta’kidlashicha, Nizomiddin Qaysariyning hech qanday aybi yo‘q, prezidentning unga nisbatan yondashuvi esa diktatorlik, tajovuzkorlik, etikaga zid va qatag‘onlik xarakteriga ega.
Ota Muhammad Nur va Hoji Muhammad Mohaqiqning ishonch bilan qayd etishicha, Qaysariyning hibsga olinishi Do‘stumning mamlakatdan haydalishi, energetika va suv ta’minoti ishlari bo‘yicha vazirning iste’fosi, shuningdek, sobiq aloqa va axborot texnologiyalari vaziriga nisbatan sud ishi bilan bir qatorda Milliy birlik hukumati haqidagi kelishuvning buzilishi hisoblanadi, chunki prezident o‘z lavozim vakolatidan chiqib ketmoqda.
Muxolifatchi siyosatchilar xulosa sifatida mamlakat rahbarini birinchi vitse-prezidentning vatanga qaytishini ta’minlashga chaqirgan. Ularning fikriga ko‘ra, Do‘stumning yo‘qligi mamlakatdagi inqirozni faqat yomonlashtiradi.
Izoh (0)