Россияда қизамиқ билан касалланишнинг кўпайишига бошқа мамлакатлардан, шу жумладан, Туркия, Украина, Италия, Германия, Латвия, Тожикистон ва Ўзбекистондан келтирилган вируслар сабабчи бўлган. Бу ҳақда «Роспотребнадзор» матбуот хизматига таяниб Sputnik хабар бермоқда.
Аввалроқ «Роспотребнадзор» йиллик ҳисоботида 2017 йилда қизамиқ билан касалланиш даражаси 2016 йилга нисбатан 4,1 марта ўсганини қайд этган эди.
«Россияда қизамиқ билан касалланиш ўсишига мамлакатнинг турли ҳудудларига чет элдан (Туркия, Украина, Индонезия, Бангладеш, Италия, Германия, Латвия, Малайзия, Тожикистон, Ўзбекистон, Таиланд, Қирғизистондан) олиб келинган ҳар хил турдаги вируслар сабабчи бўлди», — дейилади хабарда.
Айни пайтда қизамиқ билан касалланиш асосан эмланмаган фуқаролар ва эмланиш анамнези номаълум бўлган шахслар ҳисобига ушланиб турибди.
Изоҳ (0)