Rossiyada qizamiq bilan kasallanishning ko‘payishiga boshqa mamlakatlardan, shu jumladan, Turkiya, Ukraina, Italiya, Germaniya, Latviya, Tojikiston va O‘zbekistondan keltirilgan viruslar sababchi bo‘lgan. Bu haqda “Rospotrebnadzor” matbuot xizmatiga tayanib Sputnik xabar bermoqda.
Avvalroq “Rospotrebnadzor” yillik hisobotida 2017-yilda qizamiq bilan kasallanish darajasi 2016-yilga nisbatan 4,1 marta o‘sganini qayd etgan edi.
“Rossiyada qizamiq bilan kasallanish o‘sishiga mamlakatning turli hududlariga chet eldan (Turkiya, Ukraina, Indoneziya, Bangladesh, Italiya, Germaniya, Latviya, Malayziya, Tojikiston, O‘zbekiston, Tailand, Qirg‘izistondan) olib kelingan har xil turdagi viruslar sababchi bo‘ldi”, — deyiladi xabarda.
Ayni paytda qizamiq bilan kasallanish asosan emlanmagan fuqarolar va emlanish anamnezi noma’lum bo‘lgan shaxslar hisobiga ushlanib turibdi.
Izoh (0)