АҚШлик аёл уни қариялар уйига топширмоқчи бўлган ўғлини ўлдирди

АҚШнинг Аризона штатида 92 ёшли Анна Мэй Блессинг уни қариялар уйига топширмоқчи бўлган ўғлини ўлдирди, деб ёзмоқда New York Post.

Аёл бир неча кун давомида жиноятни режалаштирган. У 2 та тўппончани чўнтагига солган ва ўғли ҳамда унинг маъшуқаси яшайдиган хонага кирган.

72 ёшли эркакнинг бўйин ва жағ соҳасига ўқ тегган ва у воқеа жойида жон берган. Сўнгра аёл ўғлининг 57 ёшли маъшуқасига ўқ узмоқчи бўлган, бироқ у тўппончани аёлнинг қўлидан олиб қўйишга муваффақ бўлган.

Аёлнинг ўғли ва маъшуқаси у билан яшаш тобора қийинлашиб кетаётганини айтиб, уни қариялар уйига топширмоқчи бўлган. Жанжал авжига чиққанида аёл: «Сизлар менинг ҳаётимни олиб қўймоқчисиз, ундай бўлса мен ҳам сизларни ҳаётларингиздан маҳрум қиламан», — деган.

Аёл судга ногиронлар аравачасида келган.