ИШИД террорчилик гуруҳининг расмий вакиллари ўзларининг рус тилида сўзлашувчи икки етакчи мафкурашунос шарҳловчилари — Абу Анис Доғистоний ва қозоғистонлик Абу Усама Қозоқийни халифалик хоинлари ва душманлари деб эълон қилди, деб ёзади Tengrinews.
Ҳозирда мафкурашуносларни ИШИД разведка ва хавфсизлик хизмати қидирмоқда. Гуруҳ ичидаги ушбу низо рус тилида сўзлашувчи мусулмон аудиториясига таъсир бўйича назорат учун кураш билан боғлиқ эканлиги тахмин этилмоқда.
ИШИД мессенжерлари ва ижтимоий тармоқларида тарқалган хабарга кўра, Абу Анис Доғистоний ва Абу Усама Қозоқий «халифага берган қасамини бузганлиги ва халифалик мусулмонларини адолатсиз тарзда даҳрийликда айблагани учун қидирилмоқда».
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)