Шу йил кутилаётган Apple смартфонлари учлигидан бири ҳақида Geekbench бенчмаркида маълумот пайдо бўлди, деб ёзади Hi-Tech Mail.Ru.
Тестлар маълумотларига кўра, бўлғуси iPhone iOS 12 операцион тизими ва D321AP процессори билан жиҳозланади. Бундан ташқари, янги iPhone’га 4 Гб тезкор хотира ўрнатилади, iPhone X’ники 3 Гб эди. Смартфон бир ядроли тестда 4673 балл, кўп ядролида эса 10 912 балл тўплади. Таққослаш учун, iPhone Х ушбу тестларда тегишли равишда 4200 ва 10 000 балл йиғган эди.
Тест натижаларида қурилма iPhone 11,2 номи билан келтирилган, янги қурилма iPhone 11 деб номланиши тахмин қилинмоқда. Аммо Apple тақдимотгача ўз қурилмалари номларини ошкор қилмайди, шу сабабли смартфонлар iPhone X (2018) ва iPhone X Plus деб ном олиши эҳтимоли амалда қолмоқда.
Apple янги iPhone’ларни сентябрда бўиб ўтадиган анъанавий тақдимотда намойиш этиши кутилмоқда.
Изоҳ (0)