Motorola One: Google билан шерикликда яратилган смартфон тасвирлари пайдо бўлди

Android Headlines сайти айни пайтда Lenovo компанияси раҳбарлигида фаолият олиб борувчи Motorola смартфонлари суратларини эълон қилди, деб ёзади Hi-Tech Mail.Ru. Смартфон Google’нинг Android One дастури шарафига номланган бўлиб, унинг доирасида компания йирик ишлаб чиқарувчи билан шерикликда смартфонлар яратмоқда.

Суратда Motorola One ва One Power моделларини кўриш мумкин. Ташқи кўриниши деярли бир хил бўлиб, фақат орқа панеллари фарқланади: оддий One’да у шиша, One Power’да эса — металл. Смартфонлар корпусининг юза қисмида кичик ромлар ва дисплей тепасида «қош» бор.

Motorola One Power’га 6,2 дюймли ва 2280×1880 пикселли экран, 4 Гб тезкор ва 64 Гб доимий хотира, 5+12 мегапикселли асосий ва 8 мегапикселли олд камера, 3780 мА/соат сиғимли аккумулятор ўрнатилади. Кичик модель — Motorola One ҳам тахминан шундай хусусиятларга эга бўлади.