Испания қирғоқлари яқинида 2 июль куни қутқарув хизмати томонидан юздан ортиқ муҳожир қутқариб олинган. Бу ҳақда «РИА Новости» хабар берди.
Жами учта қайиқ топилган, уларда 52, 49 ва саккиз нафар киши бўлган. Қутқарув бўйича уччала операция ҳам Гибралтар бўғозида ўтказилган.
Ўтган дам олиш кунларида испаниялик қутқарувчилар мамлакат қирғоқлари яқинида 218 кишини аниқлаган.
Миграция бўйича халқаро ташкилот маълумотларига кўра, Испанияга муҳожирлар оқими сўнгги пайтларда сезиларли даражада кўпайган. Январь ойидан буён Испания қирғоқларига Ўрта Ер денгизи орқали 15 минг муҳожир етиб келган, фақат июнь ойининг ўзида қарийб етти минг киши келган. Йил бошидан буён Испания йўлида 292 киши ҳалок бўлган ёки бедарак йўқолган.
Ташкилот маълумотларига кўра, январь ойидан буён Ўрта Ер денгизида мингдан ортиқ киши чўкиб кетган, улардан камида 200 нафари 28 июндан 1 июлгача бўлган даврда сувга ғарқ бўлган. Ўрта Ер денгизи орқали Европа қирғоқларига етиб келган муҳожирларнинг умумий сони 45 минг кишини ташкил қилган.
Изоҳ (0)