Олий Мажлис Сенатининг ўн бешинчи ялпи мажлисида «Экстремизмга қарши курашиш тўғрисида»ги қонун сенаторлар томонидан маъқулланди. Бу ҳақда «Дарё» мухбири Севара Нишонова хабар бермоқда.
Қонун бўйича сенатор Бойматжон Расулов маъруза қилди. Ушбу қонун 5 та боб ва 32 та моддадан иборат бўлиб, уларда қонуннинг мақсади, вазифалари, асосий тушунчалар, экстремизмнинг олдини олиш, унга қарши курашишнинг принциплари, йўналишлари, усуллари, масъул давлат органлари доираси ва уларнинг ваколатлари, экстремистик фаолиятни амалга оширганлик учун жавобгарлик ҳамда халқаро ҳамкорлик масалалари назарда тутилмоқда.
Жумладан, қонуннинг мақсади экстремизмга қарши курашиш соҳасидаги муносабатларни тартибга солишдан иборат бўлиб, унинг асосий вазифалари шахс, жамият ва давлатнинг экстремизмдан хавфсизлигини таъминлаш, Ўзбекистон Республикаси конституциявий тузумини, ҳудудий яхлитлигини ҳимоя қилиш, фуқаролар тинчлигини, миллатлараро ва конфессиялараро тотувликни сақлаш ҳисобланади.
Изоҳ (0)