Онлайн: Сенат ялпи мажлисида тўйларни тартибга солиш тўғрисида қарор қабул қилиниши кутилмоқда
Олий Мажлис Сенатининг ўн бешинчи ялпи мажлисида сенаторлар «Тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солиш масаласини ҳам муҳокама қилади. Бу ҳақда «Дарё» мухбири Севара Нишонова хабар бермоқда.
Эслатиб ўтамиз, тўйларни тартибга солиш масаласи Ўзбекистон Олий Мажлиси Сенатининг 2018 йилнинг 29 март куни бўлиб ўтган XIV ялпи мажлисида ҳам муҳокама қилинган эди. Сенаторлар ушбу қонун лойиҳасини такомиллаштириш зарурлиги ва бу борада республика комиссиясини тузишга оид таклифни билдирган эди.
«Оилавий маросимлар билан боғлиқ Сенат қарори лойиҳасини такомиллаштиришда тегишли вазирлик ва идоралар, жамоат ташкилотлари фаол иштирок этиши, ҳар бир ўзбекистонликнинг ушбу масала юзасидан фикри эшитилиши зарур», — деган эди Сенатнинг Фан, таълим, маданият ва спорт масалалари қўмитаси раисининг ўринбосари Гавҳар Алимова.
