«Менинг фикрим» порталида Тошкент шаҳрида Ўзбекистоннинг улкан байроғини ўрнатиш ҳақидаги таклиф жойлаштирилди.
«Тошкент шаҳрининг марказида баланд байроқни ўрнатиш зарур. Токай бу байроғимиз шаҳарнинг исталган бурчагидан кўриниб турсин, ташриф буюрган туристларни ҳайратга солсин. Байроғимизни кўрган ҳар бир ёш ватанпарварлик руҳини ҳис этсин, у билан ғурурлансин, фахрлансин», — дея изоҳлаган муаллиф ўз таклифини.
Мазкур таклиф ҳозирча 371 та овоз тўплади. Кимдир бунга «Ёшлар шундоқ ҳам тадбирбозликдан зериккан, байроғимизни юрагимизда асраб-севайлик» деган бўлса, бошқа фойдаланувчи «Чет элликларга бунинг қизиғи йўқ» дея муносабат билдирган.
Изоҳ (0)