Зимбабвенинг Булаваё шаҳрида мамлакат раҳбарияти иштирокидаги учрашув вақтида портлаш юз берди, дея хабар бермоқда Meduza.
Митингда қатнашаётган президент Эммерсон Мнангагва жабрланмаган. Давлат ОАВларининг ахборотига кўра, вице-президент Кембо Мохади тан жароҳати олган. Жабрланувчиларнинг аниқ сони маълум эмас.
«Портлаш мендан бир неча фут нарида юз берди, бироқ менинг вақти-соатим ҳали етганича йўқ», — деди Эммерсон Мнангагва.
23 июнь куни Эфиопияда ҳам, мамлакатнинг янги бош вазири Абий Аҳмадни қўллаб-қувватлашга бағишланган митинг вақтида портлаш юз бериб, бир киши ҳалок бўлган ва 150 киши тан жароҳати олган эди.
Зимбабвенинг собиқ вице-президенти ҳисобланган Эммерсон Мнангагва мамлакатни 37 йил бошқарган Роберт Мугабе ҳокимиятдан четлатилгач, президентга айланган эди. 30 июль куни бўлиб ўтадиган сайловлар натижасида Зимбабведа мамлакат президенти, шунингдек, парламентнинг ҳар икки палатаси аъзолари сайланиши керак.
Изоҳ (0)