Янги Зеландиянинг аёл бош вазири Жасинда Ардерн тарихда лавозимини эгаллаб турган вақтида фарзандини дунёга келтирган илк сайланган давлат етакчиси бўлди, деб ёзади Tengrinews. Биринчи фарзанди туғилгани ҳақида у ўз Instagram’ида маълум қилди.
Сиёсатчи қизи ва турмуш ўртоғи Кларк Гейфорд билан тушган суратини ҳам илова қилди. Ҳукумат раҳбари уни қўллаб-қувватлаган ва яхши тилаклар билдирган барчага раҳмат айтиб, ўзи ҳам, чақалоғи ҳам яхши аҳволда эканлигини маълум қилди.
Таъкидланишича, 37 ёшли Ардерн олти ой давомида туғуруқ таътилида бўлади, бу вақтда эса унинг вазифаларини ўринбосари Уинстон Питерс бажаради.
Ардернгача туғуруқ таътилига 1990 йилда Покистон бош вазири Беназир Бхутто чиққан. Апрелда эса америкалик сенатор Темми Дакуорт ўз лавозимини эгаллаб турган вақтида фарзандли бўлган Конгресс юқори палатасининг биринчи аъзосига айланди.
Изоҳ (0)