Дональд Трамп Владимир Путин билан июлда учрашишни режалаштирмоқда

АҚШ президенти Дональд Трамп келаси ойда Европага амалга оширадиган ташрифи чоғида Россия раҳбари Владимир Путин билан учрашишни режалаштирмоқда, деб ёзади Bloomberg вазиятдан хабардор манбаларига таяниб.

Таъкидланишича, учрашув учун иккита вариант бор: 11—12 июль кунлари Брюсселда бўлиб ўтадиган НАТО саммитигача ёки Трампнинг 13 июлга мўлжалланган Буюк Британияга ташрифидан кейин.

Оқ уй вакили Гаррет Маркиз АҚШ миллий хавфсизлик маслаҳатчиси Жон Болтон келаси ҳафта икки мамлакат етакчиларининг бўлғуси учрашувини муҳокама қилиш учун Россияга боришини тасдиқлади. Путиннинг матбуот котиби Дмитрий Песков учрашув саммитгача ўтказилишини рад этди, аммо Болтон Россияга ташриф буюришини тасдиқлади.