Тошкент тинч, пойтахтда «комендантлик соати» ўрнатилмайди. Бу ҳақда ИИББ бошлиғи ўринбосари, полковник Азизхон Умархонов маълум қилди, дея хабар беради Sputnik.
Давлат раҳбарининг «Тошкент шаҳрида жамоат тартибини таъминлаш, ҳуқуқбузарликлар профилактикаси ва жиноятчиликка қарши курашиш самарадорлигини ошириш бўйича қўшимча чора-тадбирлар тўғрисида»ги қарорида пойтахтда туну-кун уч сменали патруль хизмати йўлга қўйилиши кўрсатиб ўтилганди. Шундан сўнг ижтимоий тармоқларда «Тошкентда комендантлик соати ўрнатилармиш» деган гап-сўзлар тарқалиб кетди.
ИИББ раҳбари ўринбосари бу миш-мишларни қатъий инкор этди.
«Ҳеч қандай ‘комендантлик соати’ ўрнатилмайди. Худога шукр, бизда тинчлик ҳукм сурмоқда. Пойтахт ички ишлар бош бошқармаси қуролдан узоқлашмоқда. Эндиликда ходимларимизга жанговар қурол (тўппончалар) ўрнига электрошокерлар берилади», — дея аниқлик киритди полковник.
Бўлаётган ўзгаришларнинг барчаси Тошкент аҳолиси ҳамда меҳмонларга қулайлик яратиш учун амалга оширилаётганини қўшимча қилди.
Изоҳ (0)