«Тошўрмон» деб аталувчи ноёб палеонтологик музей-қўриқхона бугун нафақат Ўзбекистон, балки дунё олимларининг ҳам катта қизиқишига сабаб бўлмоқда. Бу ҳақда «Халқ сўзи» хабар бермоқда.
Навоий вилоятининг Учқудуқ шаҳарчасидан чамаси 130 километр олисда, Қизилқум саҳросининг «Жирақудуқ» дарасида жойлашган мазкур ноёб табиат ёдгорлиги бундан 95—100 миллион йил аввал мавжуд бўлган Тетис уммони қирғоқлари билан боғлиқ эканлиги унинг аҳамиятини янада оширади.
Бу ерда тош қотган дарахтлар, мевалар қолдиқлари, қадим ҳайвонларнинг суягини ҳам топиш мумкин. Ушбу манзил туризмни ривожлантириш учун ажойиб маскан ҳисобланади.
Изоҳ (0)