Тошкент шаҳридаги Wyndham меҳмонхонасида Инвестициялар бўйича давлат қўмитаси ва Испания инвестиция ва экспорт агентлиги (ICEХ) томонидан Ўзбекистон — Испания бизнес-форуми ўтказилмоқда. Бу ҳақда ЎзА хабар берди.
Тадбирда Испаниянинг мамлакатдаги Фавқулодда ва мухтор элчиси Игнасио Ибанеса, Ўзбекистон савдо-саноат палатаси раиси Адҳам Икромов, Испания инвестиция ва экспорт агентлиги — ICEХ бош директори Франциско Хавьер Серра, Инвестициялар бўйича давлат қўмитаси раиси биринчи ўринбосари Лазиз Қудратов сўзга чиқди.
Форумни ўтказишдан кўзда тутилган мақсад Ўзбекистон билан Испания ўртасида энергетика, транспорт инфратузилмалари, шаҳар сув таъминоти ва санитария тизимлари, қаттиқ чиқиндиларни бошқариш, қурилиш, озиқ-овқат саноати ва инжиниринг хўжалиги каби соҳаларда ишбилармонлик алоқаларини мустаҳкамлаш, испаниялик тадбиркорлар учун интерфаол платформа яратишдир. Ушбу платформада томонлар савдо-иқтисодий, сармоявий ҳамкорликни ривожлантиришга оид таклифларни муҳокама этади.
Ушбу бизнес-форумда Испаниянинг 20 га яқин компанияси иштирок этмоқда. Ўзбекистон бозорида муносиб жой эгаллашни кўзлаган Испания компаниялари сони янада кўпайган. Улар энергетика, қишлоқ хўжалиги, қаттиқ маиший чиқиндиларни қайта ишлаш каби соҳаларда Европа миқёсида етакчилар қаторида туради.
Форумнинг ўтказилиши яқин орада қўшма ҳукуматлараро комиссиясининг биринчи мажлисини ташкил этишга тайёргарлик вазифасини ҳам ўтайди.
Ўзбекистон — Испания бизнес-форуми давом этмоқда.
Изоҳ (0)