Туркия президенти Ражаб Тоййиб Эрдўғон Туркия Россиянинг С-500 зенит-ракета мажмуасини ишлаб чиқаришда қатнашиши мумкинлигини айтди. Бу ҳақда у 24 ТV телеканалига берган интервьюсида маълум қилди, деб ёзади «Газета.ru».
Унинг сўзларига кўра, Россия Туркияга С-400 мажмуалари учун фойдали шартлар билан кредит тақдим этган.
«Биз қўшма ишлаб чиқариш жараёнининг иккинчи ва учинчи босқичларида қатнашамиз. Эҳтимол, биз биргаликда С-500 ни ишлаб чиқарармиз», — деди Эрдўғон.
Туркия президенти бундай таклифни Россия президенти Владимир Путинга билдирганини айтган, аммо унинг жавоби ҳақида ҳеч нарса демаган.
Изоҳ (0)