Вазирлар Маҳкамаси ҳузуридаги Давлат дон инспекцияси бошлиғининг ўринбосари Маҳмудалиев Акмалжон Азимжонович Учкўприк тумани ҳокими этиб тайинланди. Бу ҳақда «Дарё»нинг Фарғонадаги мухбири маълум қилди.
Акмалжон Маҳмудалиев бугун, 14 июнь куни ўтказилган Халқ депутатлари туман кенгашининг навбатдан ташқари сессиясида туман фаолларига таништирилди.
Акмалжон Маҳмудалиев 1974 йилда Фарғона вилоятида туғилган. 1995 йилда Самарқанд кооператив институтининг бухгалтерия ҳисоботи факультетини, 2005 йилда Тошкент Кимё-технология институтининг дон ва дон маҳсулотларини қайта ишлаш технологияси факультетини тамомлаган.
2007 йилдан 2013 йилгача Давлат дон инспекциясининг Фарғона вилояти ҳудудий бўлинмасида етакчи ва бош давлат дон инспектори лавозимларида ишлаган.
2013 йилнинг сентябрь ойидан бошлаб инспекция бошлиғининг ўринбосари лавозимида фаолият юритаётган эди.
Олдинроқ туманнинг «кучли тўртлиги» — ҳоким, ИИБ бошлиғи, солиқ инспекцияси раҳбари ва туман прокурори ишдан олингани хабар қилинган эди.
Изоҳ (0)