Россия жазони ижро этиш федерал хизмати қандай касбларга мамлакат қамоқхоналарида талаб юқори эканлиги ҳақида маълум қилди, деб ёзмоқда «РИА Новости».
Энг оммабоп касблар сифатида қурилиш ишлари бўйича мутахассислар, хусусан, пайвандчи, ғишт терувчи, бетон қуювчи, фрезерчи, тракторчи ва электр усталар тан олинган.
Бундан ташқари, тикувчи, тўқувчи, бичувчи, ошпаз, сартарош, ҳайвонбоқар, сабзавотчи, нонвой, ёғочдан бадиий буюмлар тайёрловчи, ўрмон кесувчи, қозонхона оператори, токар каби касбларга ҳам талаб юқори эканлиги қайд этилган.
Касблар рўйхатига ахлоқни тузатиш муассасининг ишлаб чиқариш эҳтиёжларидан келиб чиққан ҳолда, шунингдек, маҳкум озод қилинганидан кейин ишлаши мумкин бўлган касбларга талабни ҳисобга олган ҳолда ўзгартиришлар киритилади.
Федерал хизмат томонидан қайд этилишича, маҳкумларнинг мослашуви нафақат мутахассислик бўйича ишни, балки 168 та турли йўналиш бўйича ўқитишни ҳам кўзда тутади.
Изоҳ (0)