АҚШ президенти Дональд Трамп Канада бош вазири Жастин Трюдонинг G7 саммити якунидан кейин берган баёнотини жавобсиз қолдирмасликка ваъда берди. Бу ҳақда Трамп 12 июнда Ким Чен Ин билан учрашувдан кейинги матбуот анжуманида маълум қилди, деб ёзмоқда «Корреспондент.net».
Трамп Канада бош вазирининг АҚШ савдо сиёсатига нисбатан билдирган танқидига ўз танқидини такрорлаган.
Дональд Трамп Канадада бўлиб ўтган Катта еттилик саммитини тарк этганидан сўнг Жастин Трюдо Вашингтоннинг янги «металл» божларини адолатсиз деб атаган.
«Ўйлашимча, Жастин «биринчи рақамли борт»да 20 тадан ортиқ телевизор борлигини билмаган. Мен у матбуот анжумани бериб, АҚШнинг улардан нафратланишига йўл қўймаслиги ҳақида гапирганини телевизорда кўрдим», — деб таъкидлаган Трамп.
АҚШ президенти Канадада АҚШ устидан жуда катта устунлик борлигини айтган. Унинг сўзларига кўра, АҚШнинг Канада билан жуда катта савдо дефицити бор.
«У мени самолётда ва томоша қилмаяпти, деб ўйлаган. У сабоқ олди. Бу Канадага катта пулга тушади», — деди Дональд Трамп.
Изоҳ (0)