Ишчи ташриф билан Душанбеда бўлиб турган Ўзбекистон Давлат хавфсизлик хизмати раиси Ихтиёр Абдуллаев тожикистонлик ҳамкасби Саймўмин Ятимов билан ҳамкорлик бўйича келишувни имзолади. Бу ҳақда Тожикистон Миллий хавфсизлик давлат қўмитаси жамоатчилик билан алоқалар хизмати маълум қилди, дея хабар берди Asia-Plus.
Келишув терроризмга қарши кураш, давлат чегараларини муҳофаза қилиш, ўзаро ахборот алмашиш масалаларида ҳамкорликни назарда тутади.
Экспертлар мазкур ҳужжатга юқори баҳо бериб, 25 йил давомида икки давлат махсус хизматлари ўртасида алоқалар йўлга қўйилмагани ва биргаликда операциялар ўтказилмагани қайд этди.
Ўзбекистон ДХХ раҳбари Роғун ГЭСи барпо этилаётган ҳудудга ташриф буюриши ва у ерда қурилиш ишларининг бориши билан танишиши ҳам кўзда тутилган.
Изоҳ (0)