Тошкент вилоятининг Қибрай туманида К.У. исмли аёл ИИБга мурожаат қилиб, шу йил 4 июнь куни Тошкент туманида жойлашган «Ғишткўприк» чегара пости орқали Қозоғистондан Ўзбекистонга ўтганидан сўнг талончиларга дуч келгани билдирди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Бу ерда у номаълум шахс бошқарувидаги давлат рақамлари аниқланмаган оқ рангли Nexia машинасига йўловчи сифатида ўтириб, Қибрай туманига етиб келганида ҳайдовчи автомобилни тўхтатиб, К.У.га тегишли ичида Dell ноутбуки, ҳисобида 2 минг қозоқ тангаси бўлган пластик картаси, Samsung мобил телефони ва кийим-кечаклари бўлган чемодани ҳамда аёллар сумкасини олиб қўйиб, ўзини тушириб юборади.
Кўрилган чоралар натижасида ушбу жиноятни Фарғона вилояти, Тошлоқ туманида яшовчи муқаддам судланган Н.Ю. ва Самарқанд вилояти Каттақўрғон туманида яшовчи Д.Р. содир этганликлари аниқланди.
Талончилар қўлга олинди.
Изоҳ (0)