Ishchi tashrif bilan Dushanbeda bo‘lib turgan O‘zbekiston Davlat xavfsizlik xizmati raisi Ixtiyor Abdullayev tojikistonlik hamkasbi Saymo‘min Yatimov bilan hamkorlik bo‘yicha kelishuvni imzoladi. Bu haqda Tojikiston Milliy xavfsizlik davlat qo‘mitasi jamoatchilik bilan aloqalar xizmati ma’lum qildi, deya xabar berdi Asia-Plus.
Kelishuv terrorizmga qarshi kurash, davlat chegaralarini muhofaza qilish, o‘zaro axborot almashish masalalarida hamkorlikni nazarda tutadi.
Ekspertlar mazkur hujjatga yuqori baho berib, 25 yil davomida ikki davlat maxsus xizmatlari o‘rtasida aloqalar yo‘lga qo‘yilmagani va birgalikda operatsiyalar o‘tkazilmagani qayd etdi.
O‘zbekiston DXX rahbari Rog‘un GESi barpo etilayotgan hududga tashrif buyurishi va u yerda qurilish ishlarining borishi bilan tanishishi ham ko‘zda tutilgan.
Izoh (0)