12 июнь, сешанба куни мудофаа вазири Абдусалом Азизов Қирғизистон қуролли кучлари бош штаби бошлиғи генерал-майор Райимберди Дуйшенбиев бошчилигидаги ҳарбий делегацияни қабул қилди. Бу ҳақда Мудофаа вазирлиги матбуот хизмати «Дарё»га хабар берди.
Учрашув давомида мудофаа соҳасида ўзбек-қирғиз ҳамкорлигининг бугунги ҳолати ва ривожланиш истиқболлари муҳокама қилинди. Шунингдек, икки мамлакат мудофаа вазирликлари ўртасида 2018 йил учун ҳамкорлик режаси имзоланди.
«Ишончимиз комилки, ҳарбий соҳадаги мустаҳкам норматив-ҳуқуқий базанинг яратилиши, қуролли кучларимиз учун аҳамиятли бўлган икки томонлама тадбирларни режалаштириш ва ўтказишни амалга оширишга ёрдам беради. Уларнинг жанговар шайлигини кучайтиришда ўзига хос тайёрлов майдонини ўтаб, нафақат икки мамлакат хавфсизлигини, балки бутун минтақадаги барқарорликни сақлашга хизмат қилади», — деди мудофаа вазири Абдусалом Азизов.
Меҳмонлар, шунингдек, Қуролли Кучлар академиясида ҳарбий кадрларни тайёрлаш, қайта тайёрлаш ва малакасини ошириш масаласи билан танишди.
Изоҳ (0)