Фарғона вилоятининг Ўзбекистон туманида «ВАЗ-2102»нинг ёниб кетиши оқибатида 9 ёшли болакай ҳалок бўлди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.
Бешариқ туманида яшовчи нафақахўр ўзининг автомашинасида Ўзбекистон туманида жойлашган «Эргашали устоз Муродов» фермер хўжалигига ўрик маҳсулотини териб олиш учун бориб, боғ ичига кириб кетган. Бироқ ўзи билан бирга олиб келган 9 ёшли набирасини назоратсиз қолдириши оқибатида, у автомашина салонида бўлган 5 литрлик елим идишдаги бензин ёқилғисини тўкиб, гугурт билан ёқиб юборган.
Оқибатда автомашина салонида ёнғин содир бўлиб, набира куйиш жароҳатидан воқеа жойида ҳалок бўлган. Ёнғин шу ерда бўлган фуқаролар томонидан ўчирилган.
Изоҳ (0)