Бразилияда хатолик туфайли жонсиз деб топилган чақалоқ дафн этилгач, саккиз соат ер остида ётиб, тирик қолди, деб ёзади The Mirror.
Болани икки полициячи топиб олган: улар ер остидан чиқаётган овозни эшитиб, ерни кавлай бошлаган ва тахминан 50 см чуқурликда кичкина қизчанинг танасини кўрган.
Полициячилар гўдакнинг суяклари синган деб тахмин қилиб, тезкорлик билан касалхонага етказган. Шифокорлар уни интенсив даволаш бўлимига ётқизган, айни пайтда унинг аҳволи барқарор деб баҳоланмоқда.
Полиция маълумотларига кўра, чақалоқнинг онаси — 15 ёшли бразилиялик уни уйининг ваннахонасида дунёга келтирган. Бола боши билан полга тушиб кетган, шунингдек, туғилганидан кейин йиғламаган, шу сабабли, қизнинг 57 ёшли бувиси чақалоқни ўлик деб ўйлаган.
Аёл анъаналарга риоя қилган ҳолда, болани матога ўраб дафн қилишни маслаҳат берган.
Изоҳ (0)