Ўзбекистон Республикаси Бош прокуратураси ҳузуридаги Мажбурий ижро бюроси ва Давлат Солиқ Қўмитасининг 2017 йил 7 июлда тасдиқланган суд ҳужжатларига асосан солиқ қарзини ундириш борасидаги «Қўшма кўрсатма»си ҳамда 2017 йил 10 июлда тасдиқланган «Чора-тадбирлар дастури»га кўра Мажбурий ижро бюроси Самарқанд вилоят бошқармаси вилоят Давлат солиқ бошқармаси билан ҳамкорликда қатор ишларни амалга оширмоқда, деб хабар бермоқда ЎзА.
Хусусан, жорий йилнинг ўтган давр мобайнида 5,384 та юридик шахсдан 153 миллиард сўм солиқ қарздорлиги ундирилиши таъминланди, шундан 2,778 та юридик шахснинг банкларда мавжуд бўлган барча ҳисоб варақларидан 68 миллиард 468,7 миллион сўм пул маблағлари мажбурий тартибда ундирилиб, солиқ қарздорлиги ҳисобига йўналтирилди.
271 та юридик шахс тугатилганлиги аниқланиб, 7 миллиард 417,8 миллион сўм солиқ қарзини мажбурий тартибда ундириш тугатиш комиссиялари зиммасига юклатилди.
23,257 та жисмоний шахснинг мол-мулк ва ер солиғидан мавжуд 8 миллиард 986,9 миллион сўмлик қарзлари мажбурий тартибда ундириш чоралари кўрилди.
Хатланган мол-мулклардан жами 37 миллиард сўмлик мол-мулкларни «Э-аукцион» электрон савдолари орқали савдоси ташкил этиш учун чиқарилди.
МИБ ва ДСБ ҳамкорликда солиқ қарзларини қарздор юридик шахслар ва жисмоний шахслардан мажбурий тартибда ундириш борасида тадбирлар давом эттирилмоқда.
Эслатиб ўтамиз Хоразмда 193 та қарздорнинг 7,9 миллиард сўмлик мол-мулкини солиқ қарзи ҳисобига хатловга олингани ҳақида маълумот берилган эди.
Изоҳ (0)