5 июнь куни илк бор Ўзбекистон меваси Хитойнинг Пекин шаҳрига етказиб берилди. Бу ҳақда UZ24 хабар бермоқда.
Қайд этилишича, хитойлик экспертлар Ўзбекистонга ташриф буюриб меванинг биологик тоза органик маҳсулот эканига ишонч ҳосил қилишган эди. Ўзаро келишувлар натижасида Ўзбекистон томони билан 80 минг АҚШ доллари миқдорида шартнома имзоланган.
Куни кеча меванинг шартномада белгиланган 16 тоннадан биринчи қисми - 5 тоннаси экспорт қилинди. Гилос меваси Хитойнинг Пекин, Гуанчжоу, Шанхай, Циндао ва Чунцин провинцияларига етказилади.
«Яқин кунларда Хитойнинг йирик компаниялари томонидан Ўзбекистондан кўплаб ҳўл меваларни сотиб олиш бўйича катта миқдордаги шартномалар имзоланиши кутилмоқда», — дейилади хабарда.
Изоҳ (0)