3 ойдан бери маош олмаган Тошкентнинг «Локомотив» клуби футзалчилари майдонга тушишдан бош тортди

Бугун, 7 июнь санасида футзал бўйича Ўзбекистон чемпионатининг 11-туридан ўрин олган баҳслар бўлиб ўтмоқда.

Мазкур тур доирасида «Пахтакор» ва «Локомотив» ўртасидаги Тошкент дербиси бўлиб ўтиши лозим эди. «Локомотив» футзал жамоаси «Ёшлик» залига ташриф буюрди, бироқ 3 ойдан буён маош олишмаётгани сабаб учрашувда иштирок этишдан бош тортди ва иш ташлаш эълон қилди, деб ёзади «Championat.asia».

Аввалроқ ПФЛ футзал, аёллар ва U18 жамоаларига бееътибор бўлган Суперлига клублари қаттиқ жазоланишини маълум қилгани ҳақида хабар берилганди.

Шу боисдан «Локомотив»га техник мағлубият ёзилди. Маълумот учун «Локомотив» бу мавсум 20 та учрашув ўтказиб 7 та ғалаба, 4 та дуранг ва 9 та мағлубият қайд этган. 25 очко жамғарган жамоа мусобақа жадвалида 12 та клуб орасида 8-ўринда бормоқда.